Daeth 85 o gynghorwyr i Gyngor newydd Morgannwg Ganol o Borthcawl i Gaerffili o Benderyn i Bentyrch. Ar mwy nag un achlysur bu Neuadd y Sir yn safle brwydrau yn erbyn chwareli, safleoedd glo brig, heolydd newydd ac ysgolion Cymraeg a bu bwydro cyson rhwng y cynghorwyr o'r gwahanol ardaloedd. Yn ben ar y cyfan oedd y diweddar Gynghorydd Phillip Squire, Cadeirydd y Pwyllgor Addysg ac Arweinydd y Grëp Llafur. Bu rhaid iddo gadw'r ddisgyl yn wastad ar nifer o achlysuron.
Ymhlith polisiau'r Cyngor Sir oedd y bwriad i agor Unedau Cymraeg mewn ysgolion cynradd Saesneg. Y Cyngorydd Brynmor Jones o Bontypridd oedd un o brif gefnogwyr y polisi ac fe geisiwyd ar un achlysur ehangu'r syniad o Unedau i agor Uned Gymraeg mewn Ysgol Gyfun Saesneg. Ond fe ddaeth y polisi unedau i ben yn dilyn brwydr dewr trigolion Ynysybwl a Glyncoch a'u safiad dros gael ail Ysgol Gymraeg ym Mhontypridd.
Ers hynny mae’r Cyngor Sir wedi ymfalchio yn ei bolisi tuag at yr iaith gan agor nifer o ysgolion cynradd newydd a’r pumed ysgol gyfun newydd wrth i Ysgol Gyfun Rhydywaun agor y flwyddyn ddiwethaf. Yn agoriad swyddogol Ysgol Rhydywaun y mis diwethaf apeliodd y Brifathrawes, Mrs Catherine Davies, ar i gyngor newydd Rhondda Cynon Taf roi’r un cyfle i ddatblygu’r iaith ac a gafwyd o dan reolaeth Cyngor Sir Morgannwg Ganol.
Bu’n byw yn Nhonysguboriau am nifer o flynyddoed a daeth yn gyfarwydd i nifer o drigolion yr ardal fel cyd-weithiwr ym myd teledu ac addysg a thrwy ei ddiddordeb ym myd golff. Talwyd teyrnged arbennig iddo fel dyn bonheddig, urddasol, a chyfeillgar gan Don Llywelyn, Pentyrch, un o’i gyd-weithwyr yn HTV.