Rhifyn 125   Mawrth 1998


CYSTADLU BRWD

Unwaith eto eleni derbyniwyd cannoedd o gynigion i Gystadlaethau Gwyl Ddewi Tafod Eli. Roedd y beirniaid wedi eu plesio gyda safon y cynnyrch. Yn wir gwelwyd syniadau gwreiddiol a diddorol ac l gwaith manwl. Diolch i bawb am eu cymorth wrth drefnu'r gystadleuaeth, yn arbennig athrawon ein hysgolion a fu'n annog y plant ac yn casglu eu gwaith.

Darlun Buddugol gan Claire Newbery, Ysgol Evan James

Diolch hefyd i'r beirniaid am ystyried cannoedd o storiau a lluniau a chloriannu'r cyfan. Yn olaf rydym yn ddyledus i Betsi Griffiths am drefnu'r cystadleuaeth ac am roi'r cyfle arbennig hwn i lu o blant yr ardal.

GWNEWCH Y PETHAU BYCHAIN

Ydych chi'n gwybod faint o wasanaethau sydd ar gael yn Gymraeg erbyn hyn? Ydych chi'n eu defnyddio? Gallwch dderbyn biliau a gwybodaeth yn Gymraeg oddi wrth SWALEC, Dwr Cymru, Nwy Prydain a BT. Cofiwch dicio'r blwch ar y ffurflen sy'n gofyn "pa iaith ?", neu ffoniwch nhw! Yn ogystal chael bil treth dwyieithog, mae pob math o wasanaethau ar gael yn Gymraeg gan eich Cyngor Lleol - drwy lythyr, ar y ffn, mewn cyfarfod, neu drwy daflen neu ffurflen. Holwch swyddog iaith eich Cyngor. Mae nifer o gyrff yn darparu llinellau ffn Cymraeg ar gyfer ymholiadau'r cyhoedd:
Nwy Prydain 0645 555511 Trwydded Teledu 0117 975 8706
Treth Incwm 01222 386001 BT 0800 800288
Swyddfa'r Post 0345 468469

CYNGHERDDAU EISTEDDFOD BRO OGWR

Cyhoeddwyd rhaglen cyngherddau Eisteddfod Bro Ogwr 1998 - cyfle i ni gael gwledd o ddiwylliant heb orfod teithio yn bell. Nos Sadwrn 1 Awst 8.00yh O Dan y Don - Pasiant y Plant. Nos Sul 2 Awst 8.00 yh Cyngerdd Penblwydd Hapus Dennis O'Neill yn 50 oed. Nos Lun 3 Awst 8.15 yh Caryl yn dathlu 21 mlynedd o berfformio. Nos Fawrth 4 Awst 8.00 yh Offeren Verdi gyda Chr yr Eisteddfod Nos Fercher 5 Awst Cystadlaethau'r Ifanc Nos Iau 6 Awst Parti Anti - Y BBC yn 75 oed Nos Wener 7 Awst Cerddorfa Genedlaethol Ieuenctid Cymru. Unawdydd: Julian Lloyd Webber. Tocynnau: 01656 657798

AR GEFN BEIC

Fel rhan o ddathliadau penblwydd BBC Radio Cymru yn 21ain mlwydd oed eleni, mae dau o'i chyflwynwyr mwyaf adnabyddus yn mynd ar daith o gwmpas Cymru ar ddwy olwyn. Bydd Hywel Gwynfryn a Dei Tomos yn reidio o Gaerdydd i Ynys Mn dros gyfnod o wythnos ym mis Mawrth. Yn cychwyn o Gaerdydd am hanner dydd ar Fawrth 21ain, fe fydd y ddau yn cyrraedd Pen-y-bont- ar-Ogwr dros nos ac anelu am Abertawe dros y Sul. O b'nawn Llun ymlaen am weddill yr wythnos fe fyddanyt yn reidio i ymuno Jonsi (Eifion Jones) erbyn 3 o'r gloch bob prynhawn, ac fe fydd ef yn darlledu ei raglen prynhawn yn fyw o wahanol lleoliadau, ac fe recordir cyngherddau dathlu yn yr hwyr mewn mannau cyfagos.