Rhifyn 125 Mawrth 1998

CYSTADLEUAETH GWYL DEWI 1998

BLWYDDYN 4 Beirniad Sara Davies

Ysgrifennu am "Yn yr Archfarchnad" neu "Fy Hoff Gęm"

Cyn dechrau didoli faswn i ddim wedi meddwl mai'r archfarchnad fyddai'r testun a fyddai'n tanio dychymyg y mwyafrif o blant. Ond ar ôl darllen eu cynnyrch, mae'n hawdd deall pam! Nid syllu ar resi o duniau a cherdded trwy rengoedd o rewgelloedd fu'r cystadleuwyr. Na, mae'n harchfarchnadoedd yn fannau rhyfeddol o beryglus - yn llawn trolis yn gwibio heibio yn ddilywodraeth, a lladron yn ymgiprys â phlismyn.
Wedi dweud hynny, gall chwarae ambell gęm gyfrifiadur y dyddie hyn, eich rhoi chi ar bigau'r drain. Camp fawr un o'r cystadleuwyr, ar ddydd Nadolig, oedd osgoi'r bwledi ar y sgrîn fach!
Ar y cyfan, er ambell wall i'w ganfod yma a thraw, llwyddodd y goreuon i ysgrifennu'n lan a chreadigol.
1 Rhys Jones, Ysgol Evan James
2 Ffion Williams, Ysgol Llantrisant
3 Rhiannon Williams, Ysgol Llantrisant
3 James Jones, Ysgol Evan James

Fy Hoff Gęm

Un diwrnod es i lan yr atig. Sylweddolais nad oedd unrhyw beth o werth yna. Ond, yn cuddio wrth ymyl un sach gwelais gęm. Doeddwn i methu gweld beth oedd e'n dweud ar y bocs oherwydd roeddwn i mor bell i ffwrdd. Yn ofalus es i lan at y gęm a rhwbiais y llwch oddi ar y bocs. Gwelais y geiriau 'CHWARAEWCH OS YDYCH CHI'N DDEWR? Roeddwn wedi cynhyrfu ac felly ffoniais i fy ffrind er mwyn chwarae'r gęm.
Roliais i'r dis a dwedais wrth fy ffrind ei fod e'n edrych fel gem ara' deg oherwydd mai dim ond gęm fwrdd syml oedd e, ond roeddwn i ar binnau i weld beth oedd yn mynd i ddigwydd.
Caeon ni ein llygaid a theimlais rhywbeth rhyfedd yn digwydd o fy amgylch. Pan agorais fy llygaid roedden ni yn y jyngl! Doeddwn i methu credu'r fath beth! Yn sydyn gwelais dwy deigr yn agosau. Wedyn gwelais dwy gangen hyd braich i ffwrdd. Rhoddais un o'r canghennau i fy ffrind a lladdon ni y ddwy deigr. Dyna frwydr ffyrnig!

Roedd fy ffrind am fy ngwaed i oherwydd ein bod ni yn y jyngl ac erbyn hyn roeddwn i ar binnau i fynd yn ôl i fy nhí.

Wedi pump awr o ddychryn a thorri drwy'r jyngl roedden ni yn ôl yn ein tai. Yn syth es i lawr stâr i ddweud y cwbl wrth fy nhad. Doedd e ddim yn fy nghredu i! Dim ond awr yn hwyrach oedd hi mewn amser go iawn! Gosodais i sialens iddo fe i chwarae'r gem a digwyddodd yr un peth eto!

Rhys Jones YSGOL GYMRAEG EVAN JAMES

BLWYDDYN 4
Beirniad Sara Davies

Celf unrhwy gyfrwng: "Chwarae"

Diolch i bob un o'r 58 o gystadleuwyr am gyflwyniadau crefftus a diddorol. Doedd hi ddim yn syndod canfod mai golygfeydd o chwaraewyr yn cicio pęl-droed neu'n trafod pęl rygbi oedd wedi ysbrydoli llawer o blant. (Mae'n amlwg hefyd fod neges yr hysbysebwyr yn cyrraedd y nod wrth sylwi ar grysau'r chwaraewyr!) Roedd eraill wedi dewis portreadu golygfeydd yn y parc, a gemau megis sgipio, tenis, hoci iâ a nofio. Ymhlith y nofwyr, roedd criw o frogaod, a fydd, yn ôl pob golwg, yn cystadlu yng Ngemau Olympaidd Pontypridd!

1 Luke Pearce Ysgol Evan James
2 Seren Evans Ysgol Evan James
3 Kate Watkins Ysgol Evan James

BLWYDDYN 5 Beirniad: Gwenfil Thomas

Ysgrifennu am "Colli'r Bws" neu "Beic Newydd"

Nifer fawr o ysgrifau diddorol a'r goreuon wedi cyrraedd safon uchel iawn. Rhai wedi mynd i fyd ffantasi ac eraill yn ffeithiol. Roedd gwell cynnyrch wrth adrodd stori'r beic nag wrth golli'r bws. Cafwyd cymariaethu gwreiddiol ymhlith y goreuon.

1 Gwilym Hughes Ysgol Gynradd Creigiau
2 Fflur Angharad Ysgol Gwaelod y Garth
3 Ellena Deeley Ysgol Gynradd Evan James

BLWYDDYN 5
Beirniad: Gwenfil Thomas

Llun: "Yn y dref"

Dangoswyd dipyn o ddychymyg wrth baratoi'r lluniau. Cystadleuaeth amrywiol gyda golygfeydd cyfarwydd o'r ardal yn ogystal a rhai o ddinasoedd mawr y byd. Roedd dipyn o hiwmor a hwyl yn y lluniau a'r goreuon o safon uchel iawn.

1 Claire Newbery Ysgol Gynradd Evan James
2 Glyn Hopkins Ysgol Gynradd Gwaelod y Garth
3 Alyce Phillips Ysgol Gynradd Evan James

BEIC NEWYDD

Fe faglais i lawr y grisiau bore 'ma i weld faint o anrhegion ces i. Chwech oedd yna i gyd ond dim ond un oddi wrth mam a dad, Anti Beti a Wncwl Dave, Nain a Taid, Mamgu a Tadcu, Tom a Beth, Siân a Huw. Fe arhosais Dair Awr i mam a dad dihuno er mwyn i mi gael dechrau agor yr anrhegion.

Sanau ges i gan Wncwl Dave a Anti Beti. Llyfr oddi wrth Nain a Taid, Jwmpwr wedi ei weu gan Mamgu a Tadcu, Fflachlamp oddiwrth Tom a Beth, Pel-droed gan Huw a Ffigwr y 'Mighty Ducks' gan Siân.

Aeth Dad allan. Pan ddaeth e'n ôl beth oedd gyda fe ond beic coch yr un lliw â chrys Lerpwl oedd yn sgleinio fel seren. Roedd ganddo ugain gęr a basged ar y cefn. Fe es i newid mewn i hen ddillad er mwyn cael tro ar y beic yn yr ardd. Wel dyma'r beic mwyaf cyfforddus erioed! Roedd y sęt yr un fath â sidan a'r dolenni yn teimlo fel sbwng!

Roeddwn i allan ar y beic am awr gyfan yn defnyddio gęr gwahanol ac yn wibio heibio ffenest y gegin lle roedd dad yn gwylio. O! Roedd e'n deimlad arbennig yn teimlo'r gwynt yn chwythu trwy fy ngwallt byr, byr.

Ar ôl cael cinio a chwarae gyda fy anrhegion am dair awr fe es i i newid am y parti. Ar ôl cael bwyd fe aeth pawb gan gynnwys fi i gael tro ar y beic. Pan roedd hi'n tro Elwyn, fe banicodd e a mynd dros droed Cai ac yn syth i mewn i'r wal! Roedd y beic wedi torri'n llwyr ond yn ffodus wnaeth Elwyn neidio i ffwrdd ar yr eiliad olaf! Fe wthiais Elwyn oherwydd roeddwn i'n grac efo fe ac fe gafodd e ddolur a fe redodd e adref dan grio. Roedd hi'n amser mynd adref, felly fe aeth pawb yn ôl i'w cartref hefyd!

Ar ôl i bawb fynd adre, fe roddais yr anrheg ges i gan Elwyn heb ei agor! Mae'r beic wedi ei drwsio a'r tro nesa rydw i'n gweld Elwyn rydw i'n mynd i feicio yn syth i mewn i'w fola fo!

Gwilym Hughes
Ysgol Gynradd Creigiau