Cystadleuaeth Iolo Morganwg
Tafod Elái

Dyma rhai o gyfansoddiadau llwyddiannus Blwyddyn 7 y gystadleuaeth eleni.

Mwnci

Pe bawn i yn anifail,
Wel mwnci fyddwn i,
Am ei fod yn ddringwr da,
A hynny sydd yn sbri.

Cawn ddringo coeden uchel,
Ac eistedd arni hi,
A thaflu ambell fesen,
O dop y dderwen gry'.

Petawn i'n fwnci clyfar,
Cawn fwyta drwy y dydd,
A chuddio'r crwyn banana,
Yn slei o dan y pridd.

Ac eto dyma fantais,
Dim ysgol fydd i mi.
Dim nofio ar nos Wener,
Na moron ych-a-fi.

Petawn i'n fwnci lwcus,
Fe gawn i hwyl a sbri,
Petawn i'n fwnci lwcus,
Dyna ddwedes i.

Carwyn Hedd Sion
Ysgol Gyfun Rhydfelen

Pe bawn i'n anifail

Rwy'n cysgu'r dydd
A deffro'r nos,
Fe glywch fi'n hwtian ar y rhos,
Gallaf weld yn glir a chlywed yn dda
Llygod, llygod dewch yn bla.
Crafangau miniog - i lawr â mi,
A chipio'r llygoden - dyna sbri !

Pe bawn i'n fochyn
Yn rhowlio'n y baw
A digon o fwyd i'w gael gerllaw
Gallwn fwyta'n iach a mynd yn dew
Magu bol a thyfu blew,
I ganol y mwd - i mewn â mi
A throchi yno, am hwyl a sbri !

A phe bawn yn gath
Fe orweddwn i
Ar y mat yn canu grwndi
Bwyta 'Wiskars' bob pryd
A chysgu yn y fasged glud,
Hela ambell lygoden lwyd
Neis cael pwdin - ar ôl bwyd

Anna Glyn.
Ysgol Gyfun Llanhari

Pe bawn i'n anifail

Llygoden ydw i,
Yn byw yn dawel,
Heb ffws na ffwdan,
Yn gwichian o dro i dro.

Nid llygoden ydw i bellach,
Ond jiraff araf a gofalus,
Yn treilio fy amser yn bwyta a chysgu,
Ac ymestyn i gael gweld y byd.

Eos ydw i'n awr,
Yn trydar yn brydferth a hedfan yn raslon,
Yn gwibio o goeden i goeden,
Fel petai'r holl amser yn y byd gen i.

Oen ydw i,
Gyda fy nghot wlanog,
A llygaid sgleiniog,
Fel yr haul yn adlewyrchu ar y mor.

Y brenin ydw i nawr,
Llew cas a ffyrnig,
Gyda fy mwng blewog,
Fel gwallt Rapunzel.

Rhiannon Griffiths
Ysgol Gyfun Llanhari

Nol i'r dechrau