Tonyrefail

Eglwys Sant Alban.

Ar nos Wener yr 8fed o Fai cynhaliwyd cyngerdd yn Eglwys Sant Albans Cwmlai i gasglu elw tuag at noddfa a diogelwch i fenywod sydd wedi cael eu cam drin. Côr Merched Trefyrug oedd yn cymryd rhan o dan arweiniad Mrs Rosemary Ashman ac yn cyfeilio oedd Mrs Heather Griffiths ag yn ei chynorthwyo oedd ei gër Jonathan. Cafwyd perfformiadau unigol gan Emma merch Jonathan a Heather ar y ffliwt, Mrs Eirwen Jones a Mrs Joanne Thomas ag yn arwain oedd Mr Trefor Jones. Rhoddodd Mrs Margaret Lewis fraslun o hanes y cartref yn y Rhondda sydd yn gwneud gwaith da iawn yn yr ardaloedd cyfagos.

Cydymdeimlad.

Cydymdeimlad dwys â Mr a Mrs David Crossley Fferm Pantglas ger Coedlai ar golli gwraig yw nai sef Anne gwraig i'r Parchedig E. T. Stanley Jones, Tanyfron, Gwaun Afan Cwmafan. Yn anffodus bu hi farw ar ei gwyliau yn yr Alban. Bu'r angladd ar ddydd Mawrth 19eg o Fai. Gwasanaeth yng nghapel Seion Bethania Cwmafan lle bu Mr Jones yn weinidog cyn iddo ymddeol, ac yna i fynwent newydd Margam lle cafodd ei chladdu. Cydymdeimlad mawr hefyd â Mr a Mrs Graham Owen o Dylchawen ar golli brawd John. Roedd wedi dod yr holl ffordd o Ganada i roi tro am ei Fam sydd yn wael iawn yn yr ysbyty a bu farw yn frawychus o sydyn ag yntau ddim ond 57 oed. Bydd y ddau frawd Graham a David yn hebrwng ei weddillion yn ôl i Ganada.

Capel Y Ton

Da iawn clywed fod Mrs Copeland yn well ac wedi gadael yr ysbyty a dychwelyd i gartre Pantyseren. Mae Miss Jean Thomas hithau wedi gadael yr ysbyty ym Mhrestatyn ac mewn cartref dros dro yno. Gobeithir y gwelwn hi yn ôl yn y Ton yn fuan. Mae Mrs Mary Davies Fferm Rhywgarn wedi cwympo a chael dolur,gwellhad buan iddi hithau. Cofiwn hefyd am aelodau eraill sydd yn methu dod i'r Capel ar y Sul.

GRWP Lucie Chivers

Yng nghlos Gellirhaidd nepell o Dylchawen mae yna grëp bywiog iawn yn ymarfer mewn garej, a neb arall ond Lucie Chivers yn arwain. Ryw bedwar mis ar ddeg yn ôl daeth Lucie i'r amlwg pan ddarlledwyd Cân i Gymru ar Ddydd Gwyl Dewi 1997, pryd y daeth cân o'i gwaith i'r wyth a ddarlledwyd ar y noson. Er nad hi enillodd cafodd gymeradwyaeth uchel. Canwyd y gân y noson honno gan Llio Millward.

Mae braint arall wedi dod i'w rhan. Ar y 27ain o Fai, sydd hefyd yn ddiwrnod pen blwydd Lucie, bydd datganiad o'i gwaith yn cael ei ddarlledu ar Radio 1 ar raglen John Peel. Maent wedi bod yn Llundain yn recordio yn barod. Yn y band mae ei brawd Patrick ar y drymiau, Christopher Gibbs sydd yn byw drws nesaf (ei deulu e sydd berchen y garej), a Jason Blomfield o Goedlai ar y gitars a Lucie ei hunan wrth y piano ag yn canu, hefyd mae Jennie Gibbs yn helpu yn achlysurol hefo'r Ffliwt. Maent yn ddiolchgar iawn i Mr a Mrs Gibbs am gael defnyddio'r garej. Mae'r lle wedi ei addasu yn dda gyda hen seddau ceir ag ati. Dwedodd Angela mam Lucie wrthyf fel y daethont o hyd i hen garped a oedd wedi cael ei daflu allan ai berchennog yn falch yw roi. Mae Patrick wedi gwneud gwyrth i'r acwstics, wrth roi peth oedd dros ben i hongian ar y walydd. Merch o'r Porth yw Angela ac mae ei chymar Vincent yn hannu o'r Barry ac wedi byw yn y Clos ers pymtheg mlynedd. Brodorion lleol yw Allan a Sheridan Gibbs. Mae Allan yn dysgu yn Ysgol Gyfun Y Cymmer a Sheridan yn Brifathrawes yn Ysgol Gynradd Penygawsi, Llantrisant. Mae balchder mawr yn y ddau deulu am eu llwyddiant. Yr Hafod yw enw tí Mr a Mrs Gibbs. Mae Lucie a Patrick yn gynddysgyblion o Ysgol Gynradd Gymraeg Tonyrefail a Ysgol Gyfun Llanhari, ac hefyd maent wedi cael eu derbyn i goleg yng Nghastell Nedd i astudio cerddoriaeth. Mae gan Lucie ddiddordebau arall sef arlunio. Soniodd wrthyf fel oedd wedi gwneud hunanbortread a thri angel yn ei gwarchod ac heb sylweddoli bod wedi gweld wynebau y tri aelod arall o'r grëp, ond y gerddoriaeth sydd flaenaf. Mae hi yn cyfansoddi'r gerddoriaeth ar geiriau ag yn cyfuno'r ddau. Cefais hwyl a bendith wrth dreulio orig yn eu cwmni, a gweld fel roeddynt wedi addasu'r garej at ei anghenion. Hyfryd oedd gweld yr erthygl yn y Golwg bythefnos yn ôl, er nad yw Lucie yn hapus iawn ar hyn sydd ynddo i gyd, yn un peth roedd yna gamgymeriad yn ei hoed. 19eg fydd hi ar y dyddiad penodedig ac nid ugain. Maent wedi twistio rhan or ymgom meddai. Enw'r grwp yw PENDANT ac mae yno bendantrwydd yn eu hymddigiad. Rwyn siwr y bydd yna ddyfodol disglair i Lucie a Pendant. Pob bendith iddynt.

TOM A NON YN REFIO YN Y garej

Bydd S4C yn newid gêr bob nos Fercher dros y naw wythnos nesa' wrth i TOM RAYBOULD a NON PARRY gyflwyno'r gorau o fandiau Cymru mewn cyfres newydd o garej. A gyda llond y garej o fandiau newydd, enwau cyfarwydd, cyfweliadau â sêr y sîn, gigwyddiadur a fideos, fideos, fideos bob wythnos, mae'n werth dianc i ganol y sën a'r stêm am hanner awr o'r miwsig gorau.

Tom wrth gwrs oedd un o gyflwynwyr y gyfres gyntaf, ond mae wyneb newydd yn ymuno ag e wrth y Ilyw am yr ail gyfres, sef Non Parry sydd o bosib yn fwya' cyfarwydd fel un rhan o dair o Spice Girls Cymru, Eden. A does dim angen gofyn os ydy Non yn edrych ymlaen at gael cyflwyno'r gyfres newydd!

"Dwi'n edrych ymlaen yn ofnadwy - fydd o'n brilliant! Y peth mwya' od fydd gweithio ar ben fy hun - dwi rhan amla' hefo Emma a Rachael yno gyda fi bob tro! Mae'r dair ohonan ni wedi cyflwyno Noc Noc a rhaglen o Codi'r To gyda'n gilydd ond dyma'r tro cyntaf i fi gyflwyno rhaglen fy hun. Ac mae'n job berffaith i fi achos dwi'n hoffi pob math o gerddoriaeth - wel, pob dim ond heavy metal - a dwi'n licio busnesu ym mywydau pobl!" meddai Non, sy'n dod o Ruddlan ond sydd bellach yn byw yng Nghaerdydd.

Yn ystod y gyfres, bydd cyfle i fwynhau llwyth o fandiau gyda fideos gan ANWELEDIG, DIFFINIAD a grëp newydd o ardal Pontypridd COASTER yn rhoi cic i'r rhaglen gyntaf. Hefyd yn ymuno â Tom a Non ar gyfer y cymun sanctaidd cyntaf fydd y pechadurus a'r poptastic ALUN 'PARCHEDIG POP' OWENS o raglen Ram Jam Radio Cymru. Yn refio yn y garej yn yr ail raglen wedyn fydd CERRIG MELYS a'r grwp SLIP o Gaernarfon gydag eitemau hefyd ar safleoedd bandiau o Gymru ar y We a chyfweliad gyda sglefrfyrddiwr gorau Prydain, MATT PRITCHARD.

Naw wythnos o'r sën gorau o'r sîn roc yng Nghymru bob Nos Fercher ar S4C.

Nol i'r dechrau