Sefydlwyd Ysgol Feithrin Pontyclun yng nghapel Hope dros ugain mlynedd yn ôl ac mae'n parhau i fod yn llwyddiannus gyda 30 o blant yn mynychu'r ysgol dan arweinyddiaeth Angela Nutt a'i thîm o athrawon profiadol.
   Mae'r plant wedi bod yn dilyn themâu arbennig eleni gan gynnwys 'ar y fferm' ac 'ar lan y môr'. Maent wedi cael sawl profiad gwych o ymweliadau â llefydd sy'n ymwneud â'r themâu, megis fferm a hefyd i'r theatr. Maent yn cael cyfle i wneud modelau hyfryd a thynnu lluniau lliwgar ohonynt a chant ddod â hwynt adref hefyd.
   Eleni rydym yn sefydlu Cylch Ti a Fi o'r newydd dan arweinyddiaeth Catrin Craven. Bydd y cylch yn cydredeg â'r Meithrin a chaiff y plant lleiaf fwynhau'r profiad yn dechrau yn y feithrin.
   I ddod â thymor yr haf i ben cynhaliwyd Picnic tedi bêrs yn y parc lleol.
   Os am ragor o fanylion ynglyn a'r meithrin cysylltwch â Colin Murphy (Cadeirydd) 01443 239366 neu Rhian Bosanko (Ysgrifenyddes) 01443 224455.

Mae llyfryn gwerthfawr iawn sy'n rhestru'r holl gyrsiau Cymraeg yn yr ardal wedi ei gyhoeddi gan y Consortiwm Cymraeg i Oedolion. Mae'r canolfannau canlynol yn Nhaf Elái yn darparu dosbarthiadau Cymraeg - Beddau. Pentre'r Eglwys, Efail Isaf, Llanharan, Rhydfelin, Pontypridd, Tonyrefail a Threfforest.
   Gellir cael rhagor o fanylion a chopi o'r llyfryn "Cyfleoedd Cymraeg 1999/2000" o Swyddfa Addysg Gymunedol Ffôn:  - 01443 842008.