Y  Cynghorydd Geraint Davies AC oedd y siaradwr gwadd yng nghyfarfod blynyddol Menter Iaith ym mis Tachwedd.
   Dechreuodd Geraint Davies drwy nodi y datblygiadau sydd wedi esgor ar yr ymdeimlad o "Cðl Cymru" tu fewn a thu allan i ffiniau Cymru, e.e. gweithgareddau fel Cwpan Rygbi'r Byd, Stadiwm y Milflwydd, Y Cynulliad Cenedlaethol, sêr ffilm a byd drama, ymddangosiad cynyddol y ddraig goch a llawer mwy. Ers 600 mlynedd roedd Cymru wedi bod yn wlad ddarostyngedig. Roedd hi nawr yn bosib mynegi barn mewn dull democrataidd. Teimlodd ei bod hi'n drist nad oedd mwy o'r aelodau o fewn y Cynulliad yn defnyddio'r iaith. Roedd hi nawr yn bosib symud o un iaith i'r llall yn rhwydd. Teimlodd ei bod hi'n annerbyniol bod y cyfryngau yn anwybyddu cyfraniadau Cymraeg yn y Cynulliad.

   Aeth ymlaen i longyfarch Cyngor Rhondda Cynon Taf ar ei Gynllun Iaith a bod hi nawr yn allweddol bod unigolion o fewn y Sir yn pwyso ar yr adrannau am wasanaethau Cymraeg.
   Gwnaeth apêl i ysgolion gael cyfleusterau ac adnoddau cyfieithu ar gyfer eu cyfarfodydd rhieni, llywodraethwyr ac yn y blaen. Nododd er enghraifft bod un o bob tri o blant ardal y Rhondda Fawr nawr yn mynychu ysgolion Cymraeg. Yn y sector Uwchradd yn Rhondda Cynon Taf y disgwyl oedd y byddai 4,000 o ddisgyblion erbyn 2008. Er yn croesawu y twf ym Mro Ogwr rhaid oedd diogelu dyfodol ysgol lwyddiannus fel Llanhari o fewn ffiniau RH CT.
   Gwnaeth apêl ar bawb yn yr ardal i bwyso yn galed ar swyddogion ac aelodau etholedig y Cyngor i droi Cynllun Iaith RH CT yn weithrediad gweladwy.