Yn y sgwad.
Llongyfarchiadau mawr i Anna Macdonald, Pen y bryn, ar gael ei dewis yn aelod o sgwad hoci Cymru, dan 18 oed. Bydd ganddi lawer gêm o safon uchel iawn o'i blaen yn erbyn tîmau cenedlaethol a dymunwn yn dda iawn iddi wrth iddi waldio'r bêl caled yna dros Gymru!

Symud Tþ
Pwy ddwedodd bod symud tþ yn grêt? Nid yr Honeybuns, goelia i! Dymuniadau gorau iddynt serch hynny, yn eu cartref newydd yn 55, Parc y Coed - nid nepell o'r hen gartref rhag ofn i hiraeth eu poeni!
Dymuniadau gorau hefyd i Jeff Jones a'r teulu yn eu cartref newydd hwythau ym Mharc Castell y Mynach.

Cydymdeimlad
Estynnwn ein cydymdeimlad llwyraf i Morwen a Byron, Rachel a Siân, Parc y Bryn. Bu farw Mrs Morfydd Jones, mam Morwen yn ddiweddar, ar ôl brwydro'n ddewr ac yn siriol. Yn Hen-dy-gwyn-ar-Daf roedd ei chartref ond bu'n derbyn gofal a thynerwch Morwen a'r teulu am y misoedd olaf tra'n glaf.

Llongyfarchiadau!
Newyddion grêt! Wel, i Dad a Mam!! Llongyfarchiadau calonnog i Sara Davies, Tþ Siôn, ar sicrhau swydd yn ysgol Gyfun y Bontfaen. Bydd Sara'n cychwyn ar ei gwaith fel athrawes Gymraeg yno ym mis Medi. Aelod newydd i'r Undeb, 'sgwn i ? Ond pa un?!
   Gwellhad llwyr a buan i wncwl Sara, brawd Roy - sef Ian ap Dewi, a ddioddefodd anafiadau difrifol mewn damwain car nid nepell o'i gartref yn y gorllewin, yn ddiweddar.

Pob Lwc!
Sôn am ysgol - wrth ddarllen y rhifyn hwn o Tafod Elái, gawn ni sbario munud neu ddau i feddwl am yr hen blant ( a'u rhieni!) sy'n wynebu treialon TGAU ac uwch y misoedd yma? Lwc dda i chwi oll, gwnewch eich gorau, a

Anna Macdonald, sgwad hoci Cymru dan 18 oed

mwynhewch wyliau haeddiannol.

Pwyllgor Apêl - Eisteddfod yr Urdd Caerdydd 2001
Dangoswyd cefnogaeth frwd i ffurfio pwyllgor lleol ar gyfer codi arian tuag at gronfa cynnal Eisteddfod Caerdydd a'r cylch mewn cyfarfod agored yn yr ysgol yn ddiweddar, ac o dan gadeiryddiaeth gadarn a medrus yr hybarch John Williams, Pentyrch, maent yn sicr o lwyddo, a chyrraedd y nod a osodwyd mewn da bryd.

Eisteddfod Bro Colwyn
Dymuniadau gorau i blant a ieuenctid yr ardal fydd yn teithio i'r gogledd i gystadlu yn Eisteddfod yr Urdd eleni. Cawn adrodd hanes eich llwyddiant yn y rhifyn nesa gobeithio.

Gwellhad buan.
Cofion at Esme Griffiths, Parc y Bryn sydd newydd dderbyn llawdriniaeth yn ysbyty newydd Morgannwg. Mwynha ychydig o faldod a thendans Esme fach a gwellhad llwyr i ti yn fuan.
   Un arall sydd heb fwynhau iechyd arbennig o dda yn ddiweddar ydy Mrs Brenda Hunt, Parc y Bryn - treuliodd hithau ychydig ddyddiau yn yr ysbyty yn ddiweddar hefyd. Gyda'r tywydd yn gwella, gobeithio y byddwch chithau yn teimlo'n well a'n ôl ar y llain golff yna'n fuan.

Buddugwyr y Cwis Llyfrau!
Llongyfarchiadau i dîm Cwis Llyfrau dan 10, ysgol Creigiau a enillodd y gystadleuaeth yn erbyn

ysgolion Caerdydd yn ddiweddar. Aelodau'r tîm buddugol oedd Sara Thomas, Alisha Hocking, Owain Griffiths a Morgan Williams - gyda Rhys Jones ac Emyr Honeybun yn cynorthwyo gyda'r cyflwyniad dramatig. Diolch i Miss Eirian Dyfri Jones a Mrs Carol Hardy am eu holl waith trylwyr yn paratoi`r plant ar gyfer yr ornest!

Pob llwyddiant i'r 'Porc Pei'!
Enwebwyd 'Porc Pei' am saith gwobr BAFTA! Hei lwc i bawb sy'n gysylltiedig â'r ffilm, yn enwedig ein cydnabod ni yn y pentref - Wynford ac Arwel Ellis Owen. Siawns na ddaw 'na lwyddiant yn un o'r categorïau!

Gwellhad buan
Anfonwn ein dymuniadau gorau at Mr. Peter Evans, Prifathro ysgol Creigiau sydd wedi derbyn llawdriniaeth ar ei ben-glin yn ddiweddar. Gofal piau hi o'r hen gymalau yna, Mr Evans! Cofiwn hefyd am Mrs Yvonne Davies, athrawes yn ysgol Creigiau, hithau wedi treulio cyfnod yn yr ysbyty yn derbyn llawdriniaeth. Adferiad llawn a buan i chwi eich dau.

Taid a Nain unwaith eto!
Llongyfarchiadau i John a Susan Chiddell ar enedigaeth Robin Glyn! Yn Winchmore Hill, gogledd Llundain mae John, Susan, Robin a'i frawd mawr Daniel yn byw - ond pwy ydynt, tybed? Wel, merch Huw a Ruth Pritchard, 27, Parc y Coed ydy Susan, felly llongyfarchiadau iddynt hwythau ar ddyfod yn Daid a Nain i Robin!