|
roedd modd i'r plant fanteisio ar y Ffair Haf ac mi wnaethant gymryd rhan mewn cystadleuaeth gwneud Bwgan Brain! Daeth y Bwganod i'r oedfa yn y Capel ar y bore dydd Sul gyda'r plant wrth iddynt ddychwelyd ar ôl penwythnos â lot o hwyl a dim lot o gwsg! Diolch i swyddogion yr Ysgol Sul am y trefniadau gwych - roedd hyd yn oed y tywydd yn wych y penwythnos hwnnw! CWRS LLINYNNOL Yr un penwythnos aeth dwy o gerddorion yr ardal ar gwrs i Ogwr. Cymerodd Mia James ac Eleri Tudor ran mewn cyngerdd i gloi'r penwythnos, y ddwy'n canu'r ffidil yn y gerddorfa i gynulleidfa o rieni a ffrindiau. CODI ARIAN Bu llawer o blant ifanc Llantrisant yn codi arian i elusen Cancr MacMillan yn ddiweddar. Trefnodd cangen y Brownies daith gerdded mewn gwisg ffansi yn yr hen dref ac roedd yn rhaid iddynt gerdded o amgylch adfeilion y Castell am filltir. Codwyd swm go dda ar gyfer yr elusen ac mi gafodd y plant hwyl yn ei amrywiol wisgoedd. |
|
Dosbarth 2 Thema Dosbarth 2 yw ' Hwyl a Sbri'. Fe fuon ni yn tyfu ffa a Blodau'r Haul. Cawsom wibdaith i lan y môr yng nghanol y glaw! Roedd storïau'r plantos yn hollol wahanol-dim ond sôn am be welsom ni yn y glaw. Bu P.C. Jeffreys a Bobi yn ein gweld. Da yw gweld fod Bobi yn trio ei orau glas i ddysgu Cymraeg. Byddwn yn ymweld â Chanolfan Hamdden Tonyrefail yn fuan i chwarae gyda'r teganau mawr meddal. Uchafbwynt y tymor fydd ymweliad gan Derfel, y jyglwr, o syrcas go iawn. Efallai y bydd hyn yn codi awydd ar un o blant Dosbarth 2 i ymuno â'r syrcas. |
|
LLONGYFARCHIADAU Mae Gwenllian Willis, Y Groesfaen, newydd raddio o Brifysgol Cymru, Llanbedr Pont Steffan. Enillodd radd IIi er anrhydedd yn y Gymraeg - llongyfarchiadau mawr. CROESO NÔL Dychwelodd Elen Roberts, Maes-yr-Haul o Awstria yn ddiweddar. Treuliodd flwyddyn yno fel rhan o'i gradd ac mi fydd yn mynd yn ôl i Aberystwyth yn yr Hydref ar gyfer ei phedwaredd flwyddyn. Mae'n siwr iddi gael llawer o brofiadau diddorol a bythgofiadwy tra'n gweithio dramor. LLYWODRAETHWYR Y.G.G.LLANTRISANT Llongyfarchiadau i Mrs Wendy Greaves sydd newydd gael ei hethol i Fwrdd Llywodraethol Ysgol Gynradd Gymraeg Llantrisant fel un o gynrychiolwyr y rhieni. Mae gan Wendy ddau o blant yn yr ysgol ac mae hi wedi dysgu siarad Cymraeg yn rhugl. Mae'n cymryd lle Mr Chris Dunstall - diolch iddo ef am ei gyfraniad dros y blynyddoedd diwethaf. FFERM AMELIA Bu rhai o blant yr ardal yn cael hwyl ar Fferm Amelia, ger Llancarfan yn ddiweddar. Trefnwyd y penwythnos gan Ysgol Sul Eglwys y Tabernacl, Efail Isaf, ac fel mae'n digwydd roedd yn cyd-ddigwydd â Ffair Haf y fferm. Trefnodd y rhieni oedd yno gyda'r plant amrywiol weithgareddau a mwynhaodd Catrin Evans, Iolo James, Gwenan Evans a Gerwyn White bethau fel cwis, helfa drysor, gemau yn y goedwig a chwaraeon ar y cae. Yn ogystal |
|
LLANTRISANT Gohebydd Lleol: Siân Evans |
|
|
|
4 |
|
Sam Tân Bu Mr Hefin Gruffydd ar brofiad gwaith gyda Brigâd Dân De Cymru yng Nghaerdydd yn ddiweddar, nid yn diffodd tanau ond yn cyfrannu tuag at baratoi adnoddau i athrawon i'w gosod ar Safle We y Gwasanaeth Tân. Beti Treharne Ar ddiwedd y tymor bydd Mrs Beti Treharne yn ymddeol ar ôl gwasanaeth o ddwy flynedd ar bymtheg i'r ysgol. Bydd colled fawr ar ei hôl ond dymunwn bob hapusrwydd iddi i'r dyfodol. Y Gymdeithas Rhieni - Ras Hwyaid Cynhaliwyd ras hwyaid ar yr Afon Clun i godi arian i'r ysgol. Cafwyd prynhawn Sul hwyliog a chodwyd dros £800 i goffrau'r ysgol. Dathlu Addysg Gymraeg Cyfrannodd yr ysgol drwy berfformio nifer o eitemau at ddiwrnod dathlu addysg Gymraeg yng Nghanolfan Hamdden Llantrisant. Sioe Guto Perfformiwyd y sioe uchod i ddisgyblion blynyddoedd 5 a 6. Cafwyd cyflwyniad byw a chyffrous o hanes Guto Nyth Bran. Ymweliad gan feddyg Daeth Dr Mair Hopkin unwaith yn rhagor ar ymweliad â'r ysgol i siarad am y galon ac am ficro-organebau. Diolchwn iddi yn fawr iawn. Dosbarth 6 Bu dosbarth 6 am dro o gwmpas Llantrisant gyda P.C Hughes. Soniwyd am beryglon i gerddwyr. Ffair Haf Cynhaliwyd ein ffair haf ar fferm Mr a Mrs Owen Hopkin. Trefnwyd gweithgareddau di-ri a chafwyd diwrnod hwyliog iawn. |
|
YSGOL GYMRAEG LLANTRISANT |
