|
Apêl Offerynnau Cerddorol Ffliwt, trombôn, trwmped, clarinet, telyn . . . A oes gennych chi un o'r rhain yn gorwedd yn segur yn yr atig? Byddai Ysgol Gyfun Llanhari yn awyddus iawn i glywed am unrhywun fyddai falle'n ddigon hael i roi unrhyw offerynnau felly i'r ysgol (neu o bosib rhoi benthyg offeryn a threfnir yswiriant gan yr ysgol) fel y gall plant Blwyddyn 7 gael tro ar offeryn cyn prynu un eu hunain. Ffoniwch Mr Peter Griffiths neu Miss Heledd Hall cyn diwedd y tymor neu ar ddechrau tymor yr Hydref (01443 237824) os gallwch chi ein helpu ni. |
|
EISTEDDFOD YR URDD Fe fu'r ysgol yn cystadlu yn Eisteddfod Bro Conwy mewn 18 cystadleuaeth. Ar y dydd Iau cawsant lwyddiant gyda Can Roc a Can Gyfoes gyda Aneurin Barnard yn canu ac aelodau eraill o''r band - Lloyd Breeze, Thomas Pritchard a Mariane Edwards yn ei gefnogi. Ar y llwyfan yr un diwrnod daeth ein Parti Cân Actol ni yn ail i barti Glanaethwy. Yn anffodus ar ôl ymarfer caled ni lwyddodd neb i gyrraedd y llwyfan ar y dydd Gwener. ATHLETAU Bu'r ysgol yn cystadlu yng nghystadleuaeth athletau TSB ar y 12ed o Fehefin. Daeth bechgyn bl 9 a 10 yn 3ydd a bechgyn bl 7 ac 8 yn 4ydd. Daeth merched blwyddyn 9 a 10 yn ail a merched blwyddyn 7 yn 5ed. Bu saith ysgol yn cystadlu. DYLUNIWR Yn ddiweddar bu Huw ap Rhys yn cynrychioli'r ysgol yn ffeinals Morgannwg Ganol cystadleuaeth menter newydd i fyfyrwyr Cymru 2000 ym Mhenybont, ac roedd yn un o bedwar lwcus gafodd eu dewis i fynd i'r rownd nesaf a fydd yn cael ei gynnal ym Mharc Margam ym mis Hydref. Roedd Huw wedi dylunio canolfan ddringo gan ddefnyddio chwarel Creigiau fel lleoliad. |
|
Grwp Roc yr Ysgol yn canu yn Nghanolfan Llantrisant |
|
Y Gân Actol |
|
Huw ap Rhys (Llun: Y Western Mail) |
|
Ysgol Gyfun Llanhari |