|
BETHLEHEM CWMLAI Mae Mrs Wendy Banwell gwraig y gweinidog Parchedig Ernie Banwell wedi treulio amser maith yn yr ysbyty ers cyn y Nadolig diwethaf. Da oedd ei gweld yn yr oedfa ar nos Sul wythnos yn ôl . Llongyfarchiadau mawr i Miss Alex Durbin ar ei phenderfyniad i fynd am y weinidogaeth. Yn anffodus mae Alex yn ddall ers ei phlentyndod, ond mae ei brwdfrydedd yn anhygoel. Edmygaf ei hyder yn cymryd at y rhannau arweiniol yn y gwasanaethau a hynny gyda graen. Cafodd ei bedydd drwy ymdrochiad Mis Medi llynedd. Pob bendith iddi. Mae yn ei haeddu. CAPEL Y TON. Rydym Yng Nghapel Y Ton wedi derbyn ein cyfran o'r llyfr emynau newydd "Caneuon Ffydd", sydd at ddefnydd cydenwadol ac yn gyfrol swmpus. Mae ei gynnwys yn wych ac yn siwr o fod at ddant pawb. |
|
DATHLU GÐYL DEWI. Cefais groeso mawr ar fore ein Nawdd Sant yn Ysgol Gynradd Gymraeg Tonyrefail gan y Brif Athrawes Mrs Preece a'r staff. Cefais fy hun ynghanol y plant yn y neuadd yn cynnal Eisteddfod, hyfryd oedd gweld brwdfrydedd a oedd yn llenwi'r neuadd, a'r gwisgoedd traddodiadol lliwgar. Mr Lloyd, y dirprwy Brifathro, a Miss Nia Downes oedd y beirniaid a gwaith digon anodd oedd ganddynt. Yn y prynhawn cefais yr un croeso yn Ysgol Gynradd Cwmlai gan y Prifathro Mr David Jones a'i staff a chael y plant yn cynnal cyngerdd yn y neuadd. Roedd gwahanol eitemau yn Gymraeg ymhlith y rhai Saesneg, a chôr yr ysgol o dan arweinyddiaeth medrus Mrs Margaret Davies, merch Mr Richard Williams arweinydd corau Tonyrefail. Mae hithau yn aelod o'r staff. CORAU RICHARD WILLIAMS Mae'r corau yn dal mewn bri a galw mawr ar eu gwasanaeth dros ardaloedd eang. Mae yna dri chôr. Y gwreiddiol Boneddigion y Gan, Côr Merched Richard Williams a Chôr Plant Tonyrefail ac fel rown i yn deall fod yna ddatblygiad o gael côr iau i borthi'r côr uwch pan fydd rhai yn gadael, mae hyn yn llaw Siân, y ieuengaf o blant Richard Williams TAITH IR WLADFA. Dymuniadau gorau i Dani Grehan a Helen Prosser a'r plant Fflur a Gwynfor. Byddant yn mynd am dro i Batagonia ar ddiwedd Mis Mawrth. Byddant yno am dair wythnos a chael gweld fel mae'r Gymraeg wedi dal ar ôl bron i gant a hanner o flynyddoedd, ers pan adawodd y cyn deidiau y famwlad. SAFLE PWLL GLO COEDLAI. Braidd yn araf mae'r gwaith o dacluso safle yr hen bwll glo a'r safle gwaith golosg. Mae blynyddoedd lawer ers eu caewyd. Maen't wedi cael gwastraff gwenwynig yn enwedig ar safle'r gwaith golosg a bydd rhaid cael gwared ar hyn cyn y bydd y safle yn ddiogel i'w ddefnyddio at unrhyw bwrpas arall. |
|
TONYREFAIL Gohebydd Lleol: D.J. Davies |
|
4 |
|
Ar nos Sul 25ain o Chwefror aeth nifer sylweddol o'n haelodau a ffrindiau mewn bws i Gymanfa Flynyddol yr Arglwydd Faer Caerdydd yn Neuadd Dewi Sant. Roedd yn chwithig heb arweiniad Mr Glynne Jones, arweinydd côr Pendyrus. Ef oedd wedi arwain y gymanfa ers ei sefydlu ddeng mlynedd yn ôl. Roedd yn hyfryd i weld côr Pendyrus yno fel arfer. Arweinydd y noson oedd Mr Alun Tregelles Williams a'i frawd wrth yr organ sef Mr Huw Tregelles Williams. Bu farw Mr Glynne Jones ddydd Nadolig diwethaf. |
|
Cynulleidfa Eisteddfon Ysgol Gymraeg Tonyrefail |
|
Cystadleuwyr yn Eisteddfod Ysgol Gymraeg Tonyrefail |
|
GWASANAETHAU CAPEL Y TON Am 3 y prynhawn Ebrill 1af Parch Hywel E. Lewis Ebrill 8ed Parch D. Haydn Thomas Ebrill 29ed Yr Athro J. Gwynfor Jones Mai 13eg Parch Gwilym Dafydd Mai 20ed Parch David H Thomas Mai 27ed Parch W I Cynwil Williams |