Mae Bwrdd yr Iaith Gymraeg yn annog siaradwyr a dysgwyr o bob safon i gymryd rhan mewn cwis arbennig sy'n cael ei drefnu ar y we.
   Dyma'r tro cyntaf i Gwis CYD gael ei drefnu ar y we, yn dilyn nifer o gwisiau wyneb-yn-wyneb llwyddiannus dros y blynyddoedd diwetha£ Penderfynwyd trefnu seiber-gwis eleni, er mwyn manteisio ar ddatblygiadau gyda'r we, a'r ffaith y gall mwy o siaradwyr Cymraeg a dysgwyr nag erioed gymryd rhan, ond hefyd oherwydd clwy'r traed a'r genau yng nghefn gwlad Cymru.
   Bwriad y cwis, a gynhelir ar y we trwy gydol Gorffennaf eleni, yw dod â dysgwyr a siaradwyr Cymraeg at ei gilydd mewn tîm, i gystadlu - yn Gymraeg - am wobrau, ond yn fwyaf oll am y bri o fod yn enillydd Cwis CYD 2001
Dywedodd Meirion Prys Jones, Pennaeth Adran Addysg ac Hyfforddiant Bwrdd yr Iaith Gymraeg:
"'Rydym ni fel Bwrdd yn falch o annog pobl i gymryd rhan yng nghwis CYD, gan ei fod yn gyfle arbennig i bobl ymarfer eu Cymraeg mewn ffordd hwyliog. `Rydym yn arbennig o falch o weld CYD yn ehangu'r cwis i fod ar y we, gan fod hyn yn galluogi nifer fawr o bobl i gymryd rhan yn yr hwyl!"
   Mae cymryd rhan yn y cwis yn hawdd iawn. Rhaid cystadlu mewn timoedd, sy'n cynnwys o leiaf un dysgwr ac un siaradwr Cymraeg, a gellir cofrestru drwy ffonio Swyddfa CYD yn Aberystwyth ar 01970 622 143, neu gellir e-bostio jjt998@aber.ac.uk am ragor o fanylion.

Mae Tafod Elái ei hun mewn argyfwng yn ôl y Trysorydd, Elgan Lloyd. Er fod y gwerthiant i fyny nid yw'n ddigon i dalu am yr argraffu erbyn hyn a hynny yn bennaf oherwydd brwdfrydedd y gohebwyr yn danfon pentwr o stwff i'w gyhoeddi.
   Mae Tafod Elái yn cael nawdd o £1,000 gan Fwrdd yr Iaith Gymraeg ac hefyd yn cael cefnogaeth rhai hysbysebwyr.
   Er mwyn sicrhau  dyfodol y papur a rhoi digon o le i'n gohebwyr bydd y pris yn codi i 40 ceiniog o fis Medi - £4 am y flwyddyn.
   Mae croeso i chi ddanfon unrhyw sylwadau ar y papur bro i'r Golygydd.

www.wales-consumer.org.uk yw'r wefan un-stop ar gyfer popeth y dymunwch wybod am faterion defnyddwyr yng Nghymru.  Os ydych eisiau cysylltu a'ch swyddfa safonau masnach leol ynglyn a chynnyrch diffygiol neu gysylltu gyda'ch cynghorau iechyd cymunedol lleol, medrwch ddod o hyd iddynt yn gyflym yn www.walesconsumer.org.uk.
   Daw'r safle newydd yn hollol rhyngweithiol yn fuan gyda lansiad Rhwydwaith Defnyddwyr Cymru. Gall pobl yng Nghymru sydd yn bryderus am unrhyw beth o ddiogelwch cynnyrch i'r gwasanaeth bws lleol yn medru logio i mewn i fwrdd trafod newydd a dweud wrthym beth sy'n digwydd yn eu hardal hwy.
   Os oes gennych ddiddordeb mewn ymuno â'r Rhwydwaith Defnyddwyr, gofynnir i chi gysylltu â Sheila cyn gynted ag sydd modd.
E-bost: sheila@wales-consumer.org.uk Ffôn: 029 2025 5454

Er mwyn dod â gwybodaeth am holl weithgareddau Cymraeg yr ardal i chi sefydlwyd safle we newydd www.cwlwm.com.

Os hoffech gynnwys unrhyw wybodaeth ar y safle cysylltwch â gwe@cwlwm.com.