Penblwydd
Llongyfarchiadau i Mrs Carrie Fisher Fflatiau Dunraven a ddathlodd ei phenblwydd yn 101 oed ddiwedd mis Gorffennaf. Gobeithio y caiff sawl penblwydd eto. Llongyfarchiadau wir!

Staff Newydd
Penodwyd dau aelod newydd i staff y Ganolfan Gymunedol yn ddiweddar. Bydd Abbey Durrans yn gofalu am ieuenctid yn y Gymdeithas tra bydd Greg Morris yn barod i roi cyngor neu wybodaeth ar destunau megis budd-daliadau, sut i chwilio am waith a sut i fynd ati i gael y cymwysterau priodol i gael swydd.

Dymuniadau Gorau
Dymuniadau gorau i'r plant sy'n trosglwyddo i Ysgol Gyfun Llanhari neu Ysgol y Cymer, o'r Ysgol Gynradd ac hefyd i'r rhai sydd newydd adael yr ysgol i gael gwaith neu i barhau a'u haddysg mewn man arall.

Graddedigion newydd!
Llongyfarchiadau fil i Cerian Roberts, Parc y Felin a Siân Edwards, Parc y Fro ar ennill graddau anrhydeddus iawn ychydig yn ôl. Graddiodd Cerian o Brifysgol Abertawe a Siân o Goleg y Drindod, Caerfyrddin. Dymuniadau gorau i'r ddwy yn eu priod feysydd maes o law.

Colli tipyn o gymeriad
Cydymdeimlwn â Robin ac Olwen Griffiths, Parc y Coed. Bu farw Mrs Dilys Jones, mam Olwen yn ystod yr haf a hithau wedi mwynhau bywyd hir a chyfoethog. Gwnaeth ei chartref yma gyda Robin ac Olwen yn y blynyddoedd diwethaf yma a derbyn pob gofal a thynerwch ganddynt. Brodor o Ruddlan ydoedd Mrs Jones, a hithau'n gyn-athrawes.

Mewn cwmni brenhinol!
Nid pawb sy wedi troedio lawntiau palas Buckingham a chrwydro ar hyd ei goridorau, ond dyna a wnaeth dau deulu o'r Creigiau yn ddiweddar. Yno i dderbyn yr anrhydedd o Wobr Aur Dug Caeredin ydoedd Siwan Thomas a Fiona MacDonald, a'u teuluoedd yn eu sgil. Cafodd y ddwy eu cyflwyno â'u gwobrau gan y cynllunydd David Emmanuel. Tybed a fyddant mewn cysylltiad â'r gðr hwnnw i gynllunio 'rig-owt' go arbennig ar eu cyfer yn y dyfodol?!

Hen Gonan
Llongyfarchiadau i Ken Sedgebeer, Parc y Bryn ddaeth yn gyntaf yn y gystadleuaeth Llythyr Cwyno i Ddysgwyr yn Eisteddfod Genedlaethol Dinbych. Llythyr difyr a doniol iawn, ar waetha'i gynnwys!

Cyfres o nosweithiau difyr gan gymdeithas sydd am ddod â phobl o bob ran o gylch y Garth at eu gilydd.

Nos Wener, Hydref 5 2001 yn Neuadd y Pentref, Pentyrch

Y Taeogion yn darllen barddoniaeth ysgafn a dwys.

Nos Wener, Tachwedd 9 2001 yn Festri Bethlehem, Gwaelod y Garth

John Ogwen a Maureen Rhys - "Cnoc, cnoc! Pwy sy' 'na?"

Nos Wener, Ionawr 25 2002 yn Festri Tabernacl, Efail Isaf

Angharad Tomos yn trafod ei gwaith ei hun.

Nos Wener, Mawrth 15 2002 yn Ysgol Creigiau

Sioned Davies yn darlithio ar y testun "Perfformio o'r Pulpud".

Yn y 12^eg a 13^eg ganrif bu ymladd rhwng y Normaniaid a'r brodorion lleol am yr ardal rhwng y Taf a'r Elái am ymron i 150 mlynedd. Ac er i Richard de Clare lwyddo yn 1245 i ddal ei afael ar gastell Llantrisant fe gododd Cadwgan Fawr neu   Cadwgan Lly hog y Fwyell i arwain y werin bobl.
   Roedd Cadwgan yn un o deulu Penllwyn Cynfyn a ddaeth yn wreiddiol o Sir Frycheiniog. Cawsant yr hawl i'r tir a elwir Penllwyn Cynfyn rhwng Creigiau a Phentyrch gan Arglwyddi Cymreig Meisgyn.
    Yn ôl hanes y cyfnod fe frwydrodd Cadwgan Fawr i amddiffyn hen draddodiadau a hawliau'r werin bobl. Ei fwyell finiog oedd ei hoff arf a fu'n fodd i sicrhau fod yr iaith Gymraeg a'i thraddodiadau yn parhau yn fyw yn yr ardal hon.