Roedd hi'n noson dawel yng Nghlwb y Bont ac ni chynhyrfwyd y dyfroedd gan y criw bach iawn ddaeth i drafod dyfodol eich papur bro ar ddechrau mis Hydref.
   Mae dros 50 o bobl yn cynorthwyo i gasglu newyddion a dosbarthu'r papur bob mis felly mae gweithgarwch sylweddol tu ôl i'r tudalennau. Diolchwyd i bob un ohonynt am barhau gyda'r gwaith.
   Mae angen gwaed ifanc newydd o hyd a chroesawn unrhyw un i'n cynorthwyo. Ffoniwch neu e-bostiwch y Golygydd yn fuan.