CAPEL BETHLEHEM, Gwaelod-y-Garth, 10.30am. Tachwedd 4: Y Gweinidog  (Cymun); Tachwedd 11: Y Gweinidog; Tachwedd 18: Y Gweinidog; Tachwedd 25: Y Parchedig Hywel Mudd.

CYNGOR BRO Ffynnon Taf: gwahoddir pawb i fynychu Gwasanaeth Sul y Cofio ym Mynwent Tþ Rhiw, ddydd Sul, Tachwedd 11, am hanner dydd.

CYLCH MEITHRIN Gwaelod-y-Garth, 9.15-12, Festri Capel Bethlehem, Gwaelod-y-Garth. Sesiynau prynhawn ddydd Mawrth a Mercher. Mwy o fanylion: 029 20 813980.

CYLCH TI A FI Ffynnon Taf: brynhawn Mercher yn ystod y tymor, 1.15-2.45pm, Neuadd Pentre' Ffynnon Taf. Mwy o fanylion: Jo Jones, 029 20 810600. 

CYMDEITHAS ARDDWROL Ffynnon Taf a'r Cylch: ddydd Mawrth cynta'r mis, Clwb Cyn-Aelodau'r Lluoedd Arfog, Glan-y-Llyn. Manylion oddi wrth Mrs Toghill,  029 20 810241. 

YSGOL GYNRADD GWAELOD-Y-GARTH: Tachwedd 2: Gwasanaeth Dosbarth 3E; Tachwedd 27: Trip i Theatr y Sherman, Caerdydd, i wylio James and the Giant Peach; Rhagfyr 1: Ffair Nadolig Cymdeithas y Rhieni ac Athrawon; Rhagfyr 2: Cymdeithas y Rhieni ac Athrawon, Canu Carolau; Rhagfyr 12 a 13, Cyngherddau Nadolig; Rhagfyr 19: Disgo'r Plant; Rhagfyr 20: Sioe Hud; Rhagfyr 21: diwedd tymor.

ACHUB 350 O SWYDDI?
Mae undebau GEAES yn ymgyrchu i achub 350 o swyddi mewn ffatrïoedd yn Nantgarw, Bedwas a'r Coed Duon.

Yn sgîl y cyrchoedd terfysgol yn yr Unol Daleithiau ar Fedi 11 mae'r diwydiant awyrennau wedi ei daro'n ddifrifol. "Mae'r ffatri'n enwog oherwydd mae'n cynnal a chadw awyrennau o bob rhan o'r byd," meddai llefarydd ar ran yr undebau. "Ond y drafferth yw bod 40 y cant o'n gwaith ar gyfer un cwmni, hynny yw British Airways."

Yn y cyfamser, mae Aelodau Seneddol ac Aelodau Cynulliad lleol wedi bod yn cwrdd i drafod yr argyfwng. Un opsiwn yw edrych ar sut y gall y Cynulliad a Llywodraeth San Steffan gydweithio i leihau'r ergydion i'r diwydiant awyrennau.

£1,000 O DDIRWY
Yn Llys Ynadon Pontypridd cafwyd dyn o Ffynnon Taf yn euog o ddeg trosedd o feddu ar nwyddau ffug gyda'r bwriad o'u gwerthu.
   Cafodd Dean James, 42 oed o Dafarn yr Alarch, Heol Caerdydd, ddirwy o £1,000 a bu raid iddo dalu £734 o gostau. Roedd y nwyddau'n cynnwys cryno ddisgiau a siacedi.

O'R GWAELOD I'R TOP
Llongyfarchiadau i Jordan Goodwin o Ysgol Gynradd Gwaelod-y-Garth sy wedi ei ddewis i chwarae i Dîm Pêl-droed Ysgolion Caerdydd.
   "Mae'n aelod o Garfan Dan-12 Clwb Pêl-droed Dinas Caerdydd," meddai'r prifathro Gerwyn Williams "ac yn beldroediwr dawnus iawn." 
   Ym Mlwyddyn Chwech yr Uned Gymraeg mae Jordan. Pob lwc iddo.

CROESO
Croeso i Anwen Ebeneser ( o Bow St) ac Iwan Ellis (o ardal Caernarfon) sydd wedi symud i Ffordd yr Afon, Gwaelod y Garth.

PENDERFYNU CASGLU I'R DEILLION
Eleni penderfynodd Ysgol Gynradd Gwaelod-y-Garth ddanfon eu casgliad cynhaeaf at Sefydliad y Deillion. Daeth Alison Larner i'r ysgol i sôn am waith y mudiad a bydd yn dod yn ôl ym mis Tachwedd i gasglu'r cyfanswm terfynol.

Synhwyrau oedd thema'r Gwasanaeth Diolchgarwch gafodd ei gynnal yng Nghapel Bethlehem ar Hydref 18. Cafwyd eitemau oddi wrth blant pob dosbarth ac roedd safon ac ymddygiad y plant yn arbennig o dda. Diolch yn fawr i'r staff am eu gwaith caled.

YN EUOG O YMOSOD   
Yn Llys Ynadon Pontypridd cafwyd dyn o Ffynnon Taf yn euog o ymosod ar Steven Traylor.
   Cafodd Brian Crane, 52 oed o Heol Caerdydd, ei orchymyn i wneud gwaith cymunedol am 150 o oriau a thalu iawndal o £500 i Mr Traylor. Fe'i cafwyd yn euog o achosi niwed corfforol.

DIGWYDDIAD UNIGRYW'N CODI £250
Diolch i Gymdeithas Rhieni ac Athrawon Ysgol Gynradd Gwaelod-y-Garth am fentro i drefnu digwyddiad gwahanol a gododd £250.
   Ar Hydref 11 trefnodd cwmni Bobby Dazzlers noson yn Neuadd y Pentre, Gwaelod-y-Garth, lle dangoswyd dillad gaeaf am brisiau rhesymol. Diolch i rai o'r plant gafodd gyfle i fod yn fodel am noson a diolch i Bobbie'r Arth am fod yn bresennol. 

UNO DAU DEULU
Llongyfarchiadau i Ceri Tudno Jones, Heol Caerdydd, Ffynnon Taf, ar ei ddyweddïad â Lee Flay o Poole, Swydd Dorset.
   Mae rhieni Ceri, Elwyn a Mair Tudno Jones yn byw ym Mhendeulwyn, Bro Morgannwg.

MARW VIOLET DAVIES
Ar ôl cystudd byr bu farw Vi, o Fryncoch, Ffynnon Taf, mam Lynne a Robin, mam-yng-nghyfaith Clive a mam-gu Nicola a Ceri.

Roedd y gwasanaeth a'r traddodiant yn Amlosgfa Glyntaf, Pontypridd. Cydymdeimlwn â'r teulu.