Suliau Mis Medi.
Ar ôl bod yn cydaddoli gydag aelodau Bethlehem, Gwaelod y Garth yn ystod gwyliau'r Haf byddwn yn ôl yn Y Tabernacl ym mis Medi.
SULIAU: Medi 1af, 8fed, a 15fed - Y Parchedig Eirian Rees.
Medi 22 ain - Sul Y Cyfundeb yn Ysgol Llanhari
Medi 29 ain - Y Parchedig Cynwil Williams.

PENBLWYDD
Llongyfarchiadau i Bethan Eyres, Heo1 Iscoed ar ddathlu ei phenblwydd yn un ar hugain oed ym Mis Gorffennaf. Digwyddiad a gafodd sylw dros Gymru gyfan gan John Hardy ar ei raglen radio "Cwrt Cosbi".

GWELLHAD BUAN
Dymunwn yn dda i Audrey Jones, Nant y Felin sydd wedi bod yn derbyn triniaeth ar ei llygaid yn Yr Ysbyty Brenhinol yn Llantrisant yn ddiweddar.
   Estynnwn ein dymuniadau gorau hefyd i Sid Davies, Ffordd y Capel sydd wedi bod yn derbyn triniaeth yn yr ysbyty unwaith eto yn ystod yr Haf. Mae'n dda clywed ei fod adre erbyn hyn ac yn teimlo'n well.

FFAIR Y PENTRE
Cynhaliwyd ffair lwyddiannus iawn yn y pentre' yn ystod yr Haf. Yn ogystal â'r stondinau, gwisg ffansi a'r cystadlaethau arferol roedd yna atyniad ychwanegol eleni. Benthyciwyd hen organ ffair hynafol ac fe swynwyd pawb gan y gerddoriaeth.

Y TABERNACL
Teithiau a Gwyliau Haf.
Bu rhyw ddeugain o aelodau y gynulleidfa Saesneg yn mwynhau penwythnos yng Ngwersyll Llangrannog ym mis Gorffennaf. Cafwyd digon o hwyl a digon o weithgareddau i gadw pawb yn brysur,
   Bu aelodau Teulu Twm yn mwynhau egwyl yn Nant Gwrtheyrn yn ystod Mis Awst.