|
Ffarwelio
Yn ystod dyddiau ola' Rhagfyr, bu rhaid ffarwelio â'r teulu Hughes o Heol y Parc. Mae'r teulu bellach wedi symud i fyw i Aberdyfi, lle ganed Gareth. Mae'r plant wedi ymgartrefu yn Ysgol Gynradd ac Ysgol Uwchradd Tywyn, a gobaith Ann a Gareth yw troi un o'r gwestai lleol yn appartments moethus i'w gosod. Gyda phrofiad a syniadau anhygoel Ann, fydd 'na ddim adnabod y lle, ymhen dim.
Pob lwc a dymuniadau gorau i chi. Mi fydd 'na golled ar eich ôl.
Clwb y Dwrlyn
Ar nos Lun cyn y Nadolig, aeth criw o gwmpas y pentref i ganu carolau a chasglu arian at Apel Arch Noa. Roedd y glaw wedi cadw i ffwrdd ac roedd y cantorion brwdfrydig wedi cael hwyl ar y canu ac ar y cawl arbennig a baratowyd ar eu cyfer yn y Clwb Rygbi.
Ar noson y 10fed o Ionawr, fe aethom a'r Fari Lwyd o gwmpas Pentyrch. Mae 'na hanes am drigolion ardal Pentyrch yn dilyn "Y Fari Lwyd" hyd ymron i hanner can mlynedd yn ôl. Mae'r Clwb wedi adfer yr hen arferiad ers rhai blynyddoedd bellach. Penglog "Y Fari" o Bentyrch sydd i'w gweld yn Sain Ffagan - rhodd gan Twm a Shoni Caerwal.
Lladrad
Byddwch yn wyliadwrus. Yn oriau man y bore yn ddiweddar, bu 'na ladrata o garej ffrind, sy'n byw ar Heol y Pentre'. Collwyd llawer o offer garddio ac offer golff.
Llongyfarchiadau
Gwyliwch y ffyrdd! Mae dwy o ferched y pentref wedi bod yn llwyddiannus yn eu profion gyrru, yn ddiweddar. Llongyfarchiadau i Rachel Perryman a Sara Lewis, y ddwy yn ddisgyblion yn Llanhari.
Ddyweddiad Dwbl!
Llongyfarchiadau i Carys a Rhodri Wynne (brawd a chwaer) ar eu dyweddiadau yn ddiweddar.
|
|
