Sioe hetiau.
Cynhaliwyd sioe hetiau yn yr ysgol i blant y Feithrin a'r Derbyn ar ddiwedd y tymor.  Diolch i'r rhieni unwaith eto am eu hymdrechion a chafwyd prynhawn hwyliog.

Cyn-ddisgyblion.
Croesawyd nifer o gyn-ddisgyblion Castellau yn ystod y flwyddyn ar brofiad gwaith.  Daeth Rhys Owen a Joanne Daniels Bl. 12 Rhydfelen am wythnos ym mis Mawrth a bydd Rhiannon Lewis a Cerys Owen yn ymweld â'r ysgol am wythnos ym mis Mai.  Braf yw gweld cymaint o'n cyn-ddisgyblion yn dychwelyd yn ôl i'r ysgol.

Rygbi.
Bu'r tîm rygbi yn cystadlu yng nghystadleuaeth yr Urdd ac ennill 4 gêm a cholli 1.  Hefyd enillodd y tîm rygbi a phêl-droed eu gêmau yn erbyn Ysgol Llwyn-crwn.  Ennill hefyd bu hanes y tîm yn y ddwy gêm bêl-droed yn erbyn Gwaun Meisgin.  Llongyfarchiadau mawr iddynt.

Pêl-rwyd.
Colli wnaeth y tîm pêl-rwyd yn erbyn Llwyn crwn 5-2 a hefyd yn erbyn ysgol Evan James ond

mwynhaodd y tîm y profiad o chwarae a chymdeithasu.

C.A.V.M.S.
Daeth cynrychiolwyr o C.A.V.M.S. i'r ysgol i sôn am ac arddangos offerynnau cerddorol i'r plant ac i'w rhieni.  Cafwyd noson hwyliog ac roedd brwdfrydedd mawr ymhlith y plant.

Clwb yr Urdd.
Ers mis Medi bob nos Fawrth cynhelir clwb yr Urdd yn yr ysgol.  Mae'r athrawon a'r plant yn mwynhau'r gweithgareddau amrywiol.

Ymweliadau.
Porthcawl.
Bydd plant blwyddyn 1 a 2 yn ymweld â Phorthcawl a'r Orsaf Bad Achub ar Fai y cyntaf fel rhan o'r thema tymhorol.

Techniquest.
Bydd yr Adran Iau hefyd yn ymweld â 'Techniquest', ar Fai 7 fel rhan o thema'r tymor sef,'Y Ddaear a thu Hwnt'.

Cerdded Noddedig.
Bydd Cymdeithas Rieni a Ffrindiau'r ysgol yn trefnu taith o amgylch yr ysgol i'r Babanod ac o amgylch Beddau i'r Adran Iau ar Fai 16.

Trawsgwlad yr Urdd.
Dymunwn bob llwyddiant i Clair Bloxsome, Blwyddyn 5 yn y gystadleuaeth hon a gynhelir yn Aberystwyth ar Fai 17.  Mae'n rhedwraig arbennig o chwim ac mae'n haeddu llwyddiant.

Clwb Carco Castellau.
Mae'r clwb yng Nghastellau yn mynd o nerth i nerth o dan arweiniad Mrs Carol Minton. Mae amserlen bendant gan y clwb sydd yn cynnwys nofio, 'Kids Playland', nosweithiau Celf a Chrefft a choginio, ac i orffen yr wythnos noson fideo a Mc Donalds.

Hanbury a fu farw yn frawychus o sydyn ar ei wyliau yn Majorca. Bu'r gwasanaeth angladdol yn eglwys Middleton Cheney ger Hanbury. Darllenodd Ray ei chwaer Salm 23 yn Gymraeg, a thonau Cymreig oedd i'r emynau a'r gerddoriaeth.

PENBLWYDD
Dymuniadau gorau i Mrs Mini Evans y Garej a ddathlodd ei phenblwydd yn 90oed a hefyd i'w chwaer yng nghyfraith Mrs Rainee Bryant oedd yn 88 oed y dydd canlynol. Mae Mrs Annie Herbert hefyd newydd ddathlu ei phenblwydd yn 88 oed. Llongyfarchiadau iddynt a dymuniadau gorau am lawer penblwydd eto.