Ymweliad Ysgol
Mwynhaodd plant cyfnod allweddol dau yr ysgol eu hymweliad â Theatr y Sherman yng Nghaerdydd ar Dachwedd 25 i weld cynhyrchiad o'r "Borrowers".

Nesau at y Nadolig
Mae'r paratoadau ar gyfer y Nadolig ar garlam. Dyma rai or gweithgareddau. 1.12.03 - Cym.Rh.Ath. yn addurno'r Neuadd.
2.12.03 - Ffair lyfrau, cardiau Nadolig - Siop-y-Bont, Pontypridd - yn y Neuadd 3.30-4.45 o'r gloch.
4.12.03 - Ffair Nadolig (Cym.Rh.Ath.).
6.12.03 - Pantomeim Saesneg "Dick Whittington" - Aberdâr. Trefnu gan y Gym.Rh.Ath.
8.12.03 - Pnawn - Plant D, Bl 1 a 2 yn ymarfer yn Salem.
9.12.03 - Pnawn - Plant Bl 3, 4, 5 a 6 yn ymarfer yn Salem. 9.12.03 - 6.30 o'r gloch - Gwasanaeth plant D, Bl 1 a 2 yn Salem.
10.12.03 - Pnawn - Cyngerdd Nadolig plant Meithrin yn Neuadd yr ysgol (1.45 o'r gloch).
11.12.03 - Gwasanaeth plant Bl 3,4,5 a 6 yn Salem - 6.30 o'r gloch. 12.12.03 - Cinio Nadolig yr ysgol.
15.12.03 - Parti Nadolig plant M, D, Bl 1 a 2 yn Neuadd yr ysgol Cym.Rh.Ath. yn trefnu.
16.12.03 - Sioe Nadolig i'r plant "Hosan Lawn Santa". £1.50 y pen. Gyda Phil Harries.
17.12.03 - Pnawn - Disgo Nadolig - Bl 3, 4, 5 a 6 yn Neuadd yr ysgol Cym.Rh.Ath. yn trefnu.
19.12.03 - Diwedd Tymor.

Plant Mewn Angen.
Llongyferchir y plant ar eu hymdrechion ardderchog ar ddydd Gwener Tachwedd 21 ain, i godi arian i Blant Mewn Angen. Drwy beidio a gwisgo gwisg ysgol, a thrwy brynu a gwerthu teisennau a losin, Ilwyddwyd i godi £328.95. Da iawn blant Garth Olwg.

Gala Nofio
Llongyfarchiadau i bawb fuodd yn cynrychioli Ysgol Garth Olwg yng Ngala Nofio'r Urdd ar y trydydd ar ddeg o Dachwedd. Cafodd merched

IRIS YN NAW DEG OED
Llongyfarchiadau  mawr i Mrs Iris Llewelyn  A.L.C.M. Heol Uchaf Tonyrefail ar gyrraedd ei phenblwydd yn 90 oed ar y 27ain o Dachwedd.
   Mae Iris wedi amlygu ei hunan yn Nhonyrefail fel athrawes gerddorol. Mae wedi dysgu  a chaboli  plant ag oedolion i ganu'r piano, ac wedi gweld cenedlaethau lawer ac wedi gweld wyresau ag wyron a thebyg iawn gorwyresau a gorwyrion yw cael eu hyfforddi ganddi.
   Bu yn aelod ffyddlon yng Nghapel Ainon  Bedyddwyr Cymraeg Tonyrefail ac yn chware'r organ yno  am flynyddoedd cyn i'w ddrysau gau dros ddeng mlynedd yn ôl. Mae'r capel bellach wedi ei ddymchwel.
   Chwaraeodd ei diweddar gymar Emlyn a hithau ran amlwg yng nghyrfa gynnar Iris Williams pan yn ferch ifanc yn yr ardal. Roedd  yn mynychu Ysgol Sul Ainon, ac mae yn dal cysylltiad ag Iris sy'n galw i'w gweld pan fydd yn yr ardal.
   Ganwyd i Emlyn a Iris un plentyn sef David sydd yn byw yn Swydd Surrey wedi priodi â Lilwen yn wreiddiol o Faesteg a  chanddynt ddau o blant Gareth a Sarah. Mae Gareth yn briod â Kirsti merch o Gaerdydd ers Mis Awst.
   Brodor o'r Gilfach Goch yw Iris ag mae cariad tuag at y Gilfach mor amlwg heddyw ag y bu erioed er ei bod wedi byw yn y Ton rhan fwyaf

o'i hoes bellach.
   Mae ganddi chwaer yng nghyfraith yn byw yn Heol Waunrhydd sef Marion Llewelyn a'i brawd Dilwyn Llewelyn sydd yng nghartref Gelliseren. Mae yntau wedi cael ei ben blwydd yn 92 oed ers yr haf diwethaf. Pob bendith ag edrych ymlaen at y degawd nesaf.

RAS NOFIO
Llongyfarchiadau mawr i Fflur Elin 9 oed, merch Danny Grehan a Helen Prosser. Yn ddiweddar mae Fflur wedi nofio tair milltir mewn tair awr ym mhwll nofio Tonyrefail (192 tro o hyd y pwll nofio) tipyn o gamp yn wir. Mae wedi casglu £400 i'w rannu rhwng Ysgol Gynradd Gymraeg Tonyrefail a Phlant mewn angen. Da iawn wir Fflur.

y tim cyfnewid rhydd gryn Iwyddiant wrth iddynt ddod yn ail, ac ond trwch blewyn o gipio'r safle cyntaf. Cafwyd perfformiadau ungiol arbennig gan Elise Rees a Ben James.

Rygbi
Colli fu hanes y tîm rygbi yn eu gem gystadleuol gyntaf o'r tymor. Gêm gorfforol gystadleuol dros ben. Y sgôr terfynnol Garth Olwg 5, Pontyclun 21.